Mistero
Pantagruela rondvojaĝo de sviso finiĝis en El
Bulli, de Adrià
La ingrediencoj estas de polica filmo. Aŭ de
suspensa libro. Estas eble, ke ĉio estas nur fikcio, sed la afero estas en la
manoj de la polico de du eŭropaj landoj. La thriller (*) havas komencon kaj
mezon, sed ne havas ankoraŭ finon. La sviso Pascal Henry perlaboradis siajn
vivrimedojn liverante horloĝojn per sia motorciklo kaj enkapigis, ke li vespermanĝos
en la 68 restoracioj donacitaj kun la tri rigoraj steloj de distingindeco de la
Gvidlibro Michelin. Lia gastronomia rondvojaĝo estis pagita de mistera
mecenato, kiu estus response pri la duono de elspezoj de Henry. La baptopatro
de la aventuro estis neniu krom Paul Bocuse (en kies restoracio Henry faris la
unuan manĝaĵon de la serio), kiu sendis fakson kaj telefonis al diversaj
ĉefkuiristoj, inklinanta helpi la svison.
La fina projekto estis libro, kiu jam havis
eĉ nomon, Irvojo 68. Sed io okazis en la nokto de 12 de Junio en Girona,
Hispanujo. La vespermanĝo simple estis en El Bulli, de la ĉefkuiristo Ferran
Adrià, la plej bona restoracio kaj la plej bona kuiristo en la mondo, la numero
40 de la listo de vizitoj de la sviso. Henry eliris el la ejo por alporti
vizitkartojn – kaj de tiam li neniam estis vidata, nek pagis la konton. Oni
scias, ke li ne aperis en la restoracioj en kiuj li havis rezervon. La numero
41 de la listo estis Arzak, en Vasklando, norde de Hispanujo, laŭ la ĵurnalo
El País. La hispana polico ne havas spurojn de lia troveblejo. La afero
nun estas en la manoj de Interpol (Internacia Polico), sed ekzistas iuj homoj,
kiuj asertas, ke tio estas nur grandega propagando de la liverulo.
(*)
Thriller = Rakonto, teatraĵo aŭ entuziasmiga filmo, kiu inspiras hororon
Fonto:
Revista da Semana. Edição 49, Ano 2, nº 31 – página 25. Editora Abril – 14/8/2008 – el Brazilo
Tradukis Esperanten: José Roberto Ruiz
Reviziis: Antônio Carlos Rodrigues
Prado
Nenhum comentário:
Postar um comentário